ऊर्जानगर(चंद्रपूर):-मराठा सेवा संघ, जिजाऊ ब्रिगेड, शाखा ऊर्जानगर यांच्या वतीने मराठा सेवा संघाचा ३२ वा वर्धापनदिन साजरा करण्यात आला.या कार्यक्रमाचे अध्यक्ष मा.सुरेश अडवे तर प्रमुख पाहुणे मा.अविनाश चव्हाण अध्यक्ष म से संघ ऊर्जानगर ,पुंडलिक आरिकर तसेच सत्कारमूर्ती मा.राजेंद्र पवार उत्कृष्ठ व्याख्याते,लेखक व सौ.सविता पवार यांची उपस्थिती होती.मासाहेब जिजाऊंच्या प्रतिमेला माल्यार्पण तसेच पुष्पहार वाहून जिजाऊ वंदनेने कार्यक्रमाची सुरुवात करण्यात आली.32nd Anniversary of Maratha Seva Sangh celebrated in Urjanagar
सत्कारमूर्ती मा राजेंद्र पवार यांनी आपल्या मनोगतात सांगितले की या सत्काराबद्दल आम्ही आयोजकांचे सहृदय आभारी आहोत. अनेक संघटनांचा अभ्यास करूनच आम्ही म से संशी जुळलो तेव्हा ती एक संघटना होती, आज तो एक विचार झाला आहे. लोखंडाचं सोनं करणारा परिस जगात कोणी बघितला की नाही माहीत नाही, परंतु मसेसं च्या विचारांचा स्पर्श झालेल्या प्रत्येक घटकाचं त्यांच्या त्यांच्या प्रयत्नांच्या प्रमाणात जीवनाचं निश्चितच सोनं झालेलं आहे.आम्हा सर्वांचं जीवन सुवर्णमय करणारे मसेसंचे संस्थापक अध्यक्ष शिवश्री पुरुषोत्तम खेडेकर सरांबद्दल आम्ही कृतज्ञ आहोत. तसेच डॉ. आ.ह. सरांचा सहवास व मार्गदर्शन जास्त काळ लाभल्याने वैचारिक बैठक बऱ्याच प्रमाणात पक्की झाली.आपण सर्व जोमानं काम करीत राहू, हाच निर्धार त्यांनी आपल्या मनोगतात व्यक्त केला. यावेळी उर्जानरातील जिजाऊ ब्रिगेडच्या सदस्या तथा मराठी चित्रपट कलाकार सायली देठे यांचा पल्याड चित्रपट प्रदर्शित होत असल्याबद्दल सत्कार करण्यात आला.या कार्यक्रमाच्या प्रास्ताविकेत अविनाश चव्हाण यांनी मराठा सेवा संघाच्या कार्याची व पुढील वाटचालीची माहिती दिली. सूत्रसंचालन संजय जुनारे यांनी केले तर आभार सतिश पाटील यांनी मानले.
0 comments:
Post a Comment