![](https://lh3.googleusercontent.com/-4QoUc00Vobo/YZ-t3bvbELI/AAAAAAAADRw/Pgk6nGxHaMspKsYooktrYoeJLCHhnI7OACLcBGAsYHQ/s1600/iKishorGajananJorgewarec40.jpg)
काही महिण्यांपूर्वी कोरोनाच्या दुसऱ्या लाटेने राज्यासह चंद्रपूर जिल्हातही चांगलाच कहर घातला. अनपेक्षित वाढत्या रुग्णसंख्येमूळे आरोग्य व्यवस्था तोकडी पडली. त्यामूळे कंत्राटी पध्दतीवर आरोग्य सेवक - सेवीका तथा अधिपरिचारीकांची नियुक्ती करण्याचा निर्णय घेण्यात आला होता. त्यानूसार जिल्हाधिकारी कार्यालया मार्फत अधिपरिचारक व अधिपरिचारिकांच्या जागा भरण्यात आल्या होत्या. सदर अधिपरिचारिकांनी कोरोना महामारीच्या काळात स्व:ताच्या जिवाची पर्वा न करता अहोरात्र रुग्णसेवा केली. या कार्याबदल कोरोना योध्दा म्हणून त्यांचा सन्मानही करण्यात आला. मात्र आता कोरोनाची दुसरी लाट ओसरताच सदर कर्मचाऱ्यांना कामावरुन कमी केल्या जात आहे. संकटकाळात सेवा देणा-या कर्मचाऱ्यांवर हा अन्याय आहे. तसेच कोरोनाची तिसरी लाट येण्याची शक्यताही तज्ञांमार्फत वर्तविण्यात येत आहे. अशा परिस्थितीत सदर कर्मचाऱ्यांचा अनूभव कामी येणार आहे. या सर्व परिस्थितीचा विचार करता सर्व अधिपरिचारक व अधिपरिचारिकांना कामावरुन कमी न करता त्यांची सेवा वाढविण्यात याव्या अशा सूचना सदर पत्राच्या माध्यमातून आमदार किशोर जोरगेवार यांनी जिल्हाधिकारी यांना केल्या आहे.
0 comments:
Post a Comment